Google ADS

Nga Porsche, tani në krye të Bentley – marka luksoze njofton shefin e ri

23:08 | 30 Maj 2024
D.H

Bentley së shpejti do të ketë një udhëheqës të ri në krye.

Në një deklaratë të lëshuar së fundmi, marka luksoze njoftoi se postin e CEO të kompanisë tani do ta marrë Frank-Steffen Walliser.

Ai pason Adrian Hallmark, i cili bëri një largim të papritur për në Aston Martin.

Bëhet e ditur se Walliser ishte pjesë e Porsche që nga viti 1995 prej kur kishte mbajtur pozicione të ndryshme brenda kompanisë.

“Transformimi i vazhdueshëm i industrisë së automobilave do të jetë një detyrë kryesore për Bentley gjithashtu, një detyrë që jam i lumtur ta marrë përsipër me ekipin”, tha Walliser.

Nuk ka dyshim se ai di si të ndërtojë automjete me performancë të lartë.

Kjo pasi ai mori përsipër edhe menaxhimin e serive 911 dhe 718 të Porsche, nga e cila largohet si kreu i zhvillimit të përgjithshëm të automjeteve./telegrafi

Shpërndaje në rrjete sociale

Lajmet më të lexuara

Të ngjashme

Foto lajm